|
|
So siebe Berg, so wunderbar,
wie Perle a me schmucke Band.
Jede för sich und zäme starch,
en urchigs Bild us Gottes Hand.
Ref.
Dä Zuestoll noch em Schiibestoll,
macht d’Mitti vo dä siebe Berg,
Gsiesch senkrecht uf de Walesee,
hesch s’Gfühl, segsch chlii grad wie en Zwerg.
Ref.
|
Dä Chäserrugg, dä Hinderrugg,
verbunde mit ‚me schmale Groot.
Sie ständ im Oschte, lüüchted rot,
wenn früe am Morge d’Sonn ufgoht.
Ref.
Am Brisi, Frümsel und Selun
Hät’s Alpe bis a d’Felse ue.
Und chunnt de Sommer, züüched d’Sennte
Mit dä Gschell de Berge zue.
Refrain
I luege i d'Churfirschte ue
Und spüre tüüf i mer
Dankbarkeit und ä gross Rue.
Peter Roth, Unterwasser
CD: En Gascht of Erde
|
